Wakacje 2011 - Ligotka Kameralna

Od 10.-15.7. mieli my wykacje w Ligotce Kameralnej. Miyszkało se w domu PZKO, nie były tam spyrchi, ale synkóm to moc nie wadziło. Sprchowali my se na polu szlauchym. Śniodania, obiady a wieczerze se powodały na polu, także to miało swojóm atmosfere. Przy dómu PZKO było zadarmo boisko na fusbal, tak my cały tydziyń, od rana do wieczora grali fusbal. We wtorek 12.7. my byli na bazynie kiery je w Ligotce a też my se zagrali plażowy wolejbal. Na drugi dziyń my poszli na małóm ture na Girowóm. Razym z nami szła Pani Ewa Furtek, kiero nóm robiła przewodniczke i powykłodała nóm historie kiero se wiónże z Girowóm, Ligotkóm oraz okolicóm. Jak my wyszli na góre, ministranci mieli okazje se zagrać szachi, kiere były kapke wiynksze niż normalnie. Podczas wakacji synycy opiykali parki, chodzili se kómpać do rzeki a grali dalsze zajmawe gry. Nejwiyncej nas chytły aktivity. Jedna z nejwiynkszych atrakcji w Ligotce sóm kużelki, tak my ich ni mógli wyniechać. Dlo synków to był bowling, ynyj kapke w starszym wydaniu. :)  Tez my odwiedzili w Gnojniku ksióndza R. Sikore a zaszli my na Msze Świyntóm. W czwortek my zostali zaprószóni do Pani Furtek na placki, kiere były super !!!! Na kóniec nóm Adam (jeji syn) zrobił fire show, było se na co dziwać a do tego my eszcze dostali wielkóm dorte, kiero była strasznie dobro. Ostatni dziyń, czyli w pióntek se ynyj ukludzało a dowało PZKO do porzóndku, bo było po tydniu w okropnym stanie. Wakacje w Ligotce syncy ocenili jako nejlepsze wakacje, kiere my mieli za ty roki. Wierzym w to, że syncy se to użyli a takich wakacji bedzie wiyncej.

Fotki sóm umieszczone na:   

ministranti-alzbetinky | wakacje 2011 - Ligotka Kameralna – rajce.net