wakacje 2013 - Lubina
W tym roku my zawitali do Lubiny, wioska wedle Kopřivnicy. W niedziele 11.8. nas tatowie odwiyzli na miyjse, za co im dziynkujymy. Zaroz potym Marek a Aleš jechali na obrowski nakup do Tesca, były tego pełne dwa kosze - wiz fotki.
Miyszkali my na farze, kaj my mieli do dyspozycji kużelki, ping-pongowy stół, fusbalek, posiedzyni u ogniska a wolejbalowe boisko. Kónsek dali za kościołym było aj boisko na fusbal, także my se wubec nie nudzili. Cały tydziyn se groł fusbal, różne gry a insze sportowni aktiwity. W nocy, ze wtorku na strzode my synkóm przigotowali stezke odwagi, kiero se odbyła w lesie. No nikierzi syncy mieli pómału w galatach a to aj wielcy :)
W środe do nas zawitała s.Augustyna razym z Alešym. Przijechali też za nami Wojtasowie. Wieczór my szli na Msze św. a potym my opiykali parki nad ogniym. W czwortek nas czakała wycieczka do technickigo muzea - Tatra Kopřivnice. To se ministranci naprowde użyli aż na Daniela Świyrczka, kiery usnył przimo w muzeum - wiz fotki.
W pióntek my grali gre indianów, kiero synków strasznie bawiła. Po połedniu na nas czakało ukludzani, kiery dycki wszystkich bawi :) Potym po nas zaś przijechali tatowie.
Wszystkim rodzicóm aj inszym, kierzi nóm pomógli dziynkujymy. Użyli my se kupa srandy,zagrali pełno gier a głównie nóm wyszła pogoda. Móm nadzieje,że se wszystkim podobało a że pojedziecie w przyszłym roku.
Fotki sóm umieszczone na: